Ինչպես հայտնի է, ՈւԵՖԱ Կոնֆերենցիաների լիգայի որակավորման երրորդ փուլի պատասխան խաղում «Փյունիկը» Վազգեն Սարգսյանի անվան Հանրապետական մարզադաշտում կընդունի նորվեգական «Բուդյո-Գլիմտին»: Հանդիպումը կայանալու է օգոստոսի 17-ին ու մեկնարկելու է 20։00-ին։
Խաղին ներկա գտնվել ցանկացող լրագրողները կարող են իրենց հայտերն ուղարկել [email protected] էլեկտրոնային հասցեին` նշելով անուն ազգանուն, աշխատանքի բնույթ և ԶԼՄ-ի անվանում: Դիմումները կընդունվեն մինչև օգոստոսի 16-ը 12։00։
Հավատարմագրված բոլոր լրագրողներն իրենց անցագրերը կարող են ստանալ օգոստոսի 16-ին ստադիոնում նախատեսված նախախաղային միջոցառումներից առաջ:
Մարզադաշտի ասուլիսների սրահում օգոստոսի 16-ին տեղի կունենան «Փյունիկի» գլխավոր մարզիչ Եղիշե Մելիքյանի (18:30) ու «Բուդյո-Գլիմտի» գլխավոր մարզիչ Կյետիլ Կնուտսենի (19:45) նախախաղային մամուլի ասուլիսները: Գլխավոր մարզիչների հետ նախախաղային ասուլիսներին կմասնակցեն նաև երկու թիմերից մեկական ֆուտբոլիստ:
Ասուլիսների ավարտից հետո կկայանան երկու թիմերի նախախաղային մարզումները, որի առաջին 15 րոպեները բաց կլինեն լրագրողների համար:
Խաղին հավատարմագրվելու համար դիմած բոլոր այն լրագրողներն, ովքեր չեն ներկայանա ստանալու իրենց անցագրերը նշված ժամկետում, այլևս չեն կարողանա հավատարմագրվել այս խաղի համար։
